Albisteak

Gaur, apirilak 28,DBHO 2ko ikasleek Jon Arretxe idazlearekin saioa izan dute. Arretxeren  "19 kamera" eleberria irakurri berri dute ikasleek eta horren inguruan jardun du bideokonferentzia bidez.

Hezkuntza Sailak argitaratu berri ditu 2019-2020 ikasturtearen azken hiruhileko eta 2020-2021 ikasturtearen hasierako funtzionamendurako jarraibideak. Planari buruz, lehenengo balorazioa egin du Ikastolen Elkarteak. Ikusi bideoa.

Ikastolako hainbat irakaslek beren gomendioak bidali dizkigute Liburuaren Nazioarteko Eguna ospatzeko. Edozein une izan daiteke aproposa liburu eder baten orrietan galtzeko, beraz, gozatu!

Koronabirusak sortu duen egoera berezi honetan, martxan hastera doa Etxealditik Euskaraldira ekimen berria. Bertan, etxealdiko hizkuntza ohiturak zeintzuk ditugun hausnartu ondoren, denok euskaraz gehiago, gehiagorekin eta gehiagotan egitea lortu nahi da. Ikusi aurkezpen bideoa.

Azpeitiko Ikastolak bat egin du herriko hainbat eragilerekin, haur eta nerabeek "modu ordenatu batean" kalera ateratzeko eskaerarekin. Ikusi bideoa.

 

Konfinamendu egoeran "komunitatea indartzeko", auzokideen artean babes sareak osatzeko deia egin du Azpeitiko Herri Hezitzailea taldeak. Herri Hezitzailearen ikur den aterki koloretsua marraztu eta leihoetan itsastea eskatu dute.

Opor garaia bukatuta, gaurtik aurrera, apirilak 20, Ikastolako Idazkaritzaren zerbitzua berreskuratuko dugu, 08:30etik 13:00ra bitartean. Ohikoa den bezala, Ikastolarekin harremana telefonoz edo telematikoki ere egin ahal izango da.

Azken asteotako egoerak, eskola jardueraren aurrez aurreko jardueraren etetea eragin duen arren, Ikastolako kideon harremana ez da gelditu. Lanean nahiz aisialdian, ikasle, irakasle eta gurasoak testigantza politak uzten ari zarete. Hona hemen lagin bat. Ikusi bideoaZuen esperientziak denokin partekatzen jarraitu dezakezue argazkiak@azpeitikoikastola.net helbidean. 

Herri Urrats, Ibilaldia eta Araba Euskaraz ez dira egingo udaberri honetan. Covid-19 koronabirusaren krisi handi honek eragotzi egiten du data horietarako ikastolen jai handiak egitea.  Hiru jai hauek atzeratu egin badira ere, aurten egin egingo dira. Hori da Euskal Herriko ikastolen  nahia.

Atzo argitaraturiko dekretuaren harira, Ikastolako Idazkaritzaren aurrez aurreko zerbitzua bertan behera utzi beharrean aurkitzen gara. Bihartik aurrera, martxoak 31, Ikastolarekin harremana telefonoz edo telematikoki bakarrik egin ahal izango da, 08:30etatik 13:00era bitartean. Telefonoa, Alexia edo e-posta bidezko arreta zerbitzuak indarrean jarraitzen dute beraz.

 

 

Eusko Jaurlaritzaren Hezkuntza Sailburuak bidalitako azken jakinarazpenaren arabera, gertaeren bilakaera eta agintari eskudunak aplikatzen ari diren neurriak direla eta, eskolen aldi baterako etetea beste abisua  eman arte luzatzen dela jakinarazi zaio hezkuntza komunitate guztiari. (Hezkuntza sailburuaren gutuna, segidan)

Urola Erdiko ikastetxeetan energia aurreztea xede duen programa da Entzun energiaren ahotsa, eta atzo, astelehena, kanpainaren hitzarmena sinatu zuten Urola Erdiko Energia Mahaia osatzen duten eragileek eta Gipuzkoako Foru Aldundiak. Aurkezpenean izan ziren bailarako ikastetxeetako ordezkariak, Azpeitiko eta Azkoitiko alkateak eta Gipuzkoako Foru Aldundiko Ingurumen eta Obra Hidraulikoetako diputatua.

Orriak