Albisteak

LH4ko proiektuari jarraiki, gaur, otsailak 19, gure inauterietako jaialdiaren entseguekin bat egin dute Azpeitiko San Martin Egoitzako hainbat egoiliarrek. Entsegu giro alegera eta koloretsuaz gozatu dugu ostiraleko jaialdiaren aurrekari moduan. 

Gizarteak hezkuntzari egiten dizkion eskaerak aztertu eta haiei erantzuteko, hezkuntza sisteman erreferente izaten eta gizartean eragiten jarraitzeko eta biharko munduan ikastolak egoki kokatzeko egingo den VII. BATZARRA prestatzen hasi dira ikastolak. 

Datorren astelehenean, otsailak 10, Deustoko Unibertsitateko ordezkariek, beraien hezkuntza eskaintza aurkeztuko dute ikastolan. Saioa arratsaldeko 18:30ean izango da Erabilera Anitzeko Gelan.

Ohiturari jarraituz, atzo ikastolako hainbat mailatako ikasle, irakasle eta gurasoak Santa Ageda bezperako eskean irten ziren kalera.

Ikusi argazkiak.

 Euronet 50 / 50 proiektuari loturik, atzo, urtarrilak 28,  Mikel Muñoz proiektuaren arduradunak, etxearen ingurunean energia aurrezteko jarraibideak helarazi zituen.Denok dugu energia aurrezteko ardura norberaren etxetik hasita! 

Eguraldia lagun, aurtengo San Sebastian eguneko danborrada giro alaian ospatu zuten bertaratu ziren guztiek. Ikus irudiak.

Zozketa egin zenetik hilabete pasa da, eta zenbaki sarituaren jabea agertu ez denez, ordezkoaren jabeari egokitu zaio ikastolako otarra etxeratzea. Gaur bertan jaso dute ikastolatik DBH2 eta DBH4ko ikasleek osatutako otarra bikaina. Zorionak!

Ostiral arratsaldeko danborradarekin eman genien hasiera San Sebastian jaiei,

Ikus argazkiak.

 

"Ikastolan behe - behetik hasi eta Batxilergoa bukatu arte ibili nintzen"- gustura kontatzen du Luken Galarragak- Ikasberrin igarotako urteek oroitzapen onak utzi dizkiote Galarragari.

Gabon hauetan bi ekintza egin dituzte gure LH4ko ikasleak San Martin Egoitzako lagunekin elkarlanean daramaten proiektuaren barruan. Abenduaren 19an izandako abesti, dantza eta eskutitzen saioaz gain, gure ikasleek bidalitako bideoarekin eman zioten ongi etorria 2020ari egoitzako egoiliarrek. Bideoan LH osoak parte hartu zuen.

Gabonetako loterian saritua suertatu den zenbakiaren azken zifrarekin bat egiteagatik, Ikastolako zenbakiari jokatutako diruaren itzulera dagokio. Bihartik, urtarrila 8, aurrera LABORAL KUTXAko bulegoan izango da kobratzeko aukera.

Santo Tomas egunean zozketatu zen DBH 2 eta DBH 4ko ikasleek osatutako otarra bikaina.

Zenbaki sariatua: 0171 eta ordezko zenbakia: 3282 izan ziren. Boleto irabazlearen jabeak deitu dezala ikastolara edo mezu bat idatzi ikasberri@azpeitikoikastola.eus helbidera.

Orriak