Albisteak

Eusko Jaurlaritzak, hainbat mailen klasetara itzultzeko agindua kaleratu zuen atzo. Ikastolen Elkarteak egin du horren inguruko balorazioa ere.

Beste urtetan, garai honetan udalekuen izen ematearekin hasita geundeke. Aurten, ordea,  konfinamenduaren deseskaladaren eta agintarien erabakien arabera, antolatu ahal izango ditugu ala ez. Maiatzaren bukaerarako espero dira berri gehiago.

Konfinamenduaren ia 2 hilabete igaro diren honetan, ikastolaren  hainbat etapetako Ikasketa Buruek, Ainara, Jaione eta Edurne, orain artekoari buruzko hausnarketa partekatu nahi zan dute guztiokin.

Ikastetxe eta Plangintzako zuzendariak Batxilergoan onartua izateko eskaera egiteko epe berriak argitaratu ditu. Ikus dokumentua

Gaur, apirilak 28,DBHO 2ko ikasleek Jon Arretxe idazlearekin saioa izan dute. Arretxeren  "19 kamera" eleberria irakurri berri dute ikasleek eta horren inguruan jardun du bideokonferentzia bidez.

Hezkuntza Sailak argitaratu berri ditu 2019-2020 ikasturtearen azken hiruhileko eta 2020-2021 ikasturtearen hasierako funtzionamendurako jarraibideak. Planari buruz, lehenengo balorazioa egin du Ikastolen Elkarteak. Ikusi bideoa.

Ikastolako hainbat irakaslek beren gomendioak bidali dizkigute Liburuaren Nazioarteko Eguna ospatzeko. Edozein une izan daiteke aproposa liburu eder baten orrietan galtzeko, beraz, gozatu!

Koronabirusak sortu duen egoera berezi honetan, martxan hastera doa Etxealditik Euskaraldira ekimen berria. Bertan, etxealdiko hizkuntza ohiturak zeintzuk ditugun hausnartu ondoren, denok euskaraz gehiago, gehiagorekin eta gehiagotan egitea lortu nahi da. Ikusi aurkezpen bideoa.

Azpeitiko Ikastolak bat egin du herriko hainbat eragilerekin, haur eta nerabeek "modu ordenatu batean" kalera ateratzeko eskaerarekin. Ikusi bideoa.

 

Konfinamendu egoeran "komunitatea indartzeko", auzokideen artean babes sareak osatzeko deia egin du Azpeitiko Herri Hezitzailea taldeak. Herri Hezitzailearen ikur den aterki koloretsua marraztu eta leihoetan itsastea eskatu dute.

Opor garaia bukatuta, gaurtik aurrera, apirilak 20, Ikastolako Idazkaritzaren zerbitzua berreskuratuko dugu, 08:30etik 13:00ra bitartean. Ohikoa den bezala, Ikastolarekin harremana telefonoz edo telematikoki ere egin ahal izango da.

Azken asteotako egoerak, eskola jardueraren aurrez aurreko jardueraren etetea eragin duen arren, Ikastolako kideon harremana ez da gelditu. Lanean nahiz aisialdian, ikasle, irakasle eta gurasoak testigantza politak uzten ari zarete. Hona hemen lagin bat. Ikusi bideoaZuen esperientziak denokin partekatzen jarraitu dezakezue argazkiak@azpeitikoikastola.net helbidean. 

Orriak